3 ஆயிரம் பேருடைய கையொப்பங்களுடனான இந்த மகஜர் ஐ.நா. மனித உரிமைகள் ஆணையாளரிடம் கையளிக்கப்படும் எனத் தெரிவிக்கப்படுகின்றது. அரிபரந்தாமனுடன் 3 சட்டத்தரணிகளும் சென்றுள்ளதாகத் தெரிவிக்கப்படுகின்றது. இன்று ஞாயிற்றுக்கிழமை சுவிட்சர்லாந்தில் வசிக்கும் புலம்பெயர்ந்த தமிழர்களையும் இவர்கள் சந்திப்பார்கள்.
திங்கட்கிழமை முதல் மனித உரிமைகள் பேரவையின் நிகழ்வுகளில் இவர்கள் பங்குபற்றுவதுடன், பக்க நிகழ்வுகளிலும் இவர்கள் பங்குகொள்வார்கள். பிரதான மண்டபத்தில் இடம்பெறும் இலங்கை குறித்த விவாதத்திலும் அரிபரந்தாமன் கலந்துகொண்டு உரையாற்றவுள்ளார்.
ஜெனீவா புறப்படுவதற்கு முன்னர் கருத்துவெளியிட்ட அரிபரந்தாமன், ”இலங்கையில் இடம்பெற்ற போர்க் குற்றங்களுக்கு சர்வதேச விசாரணையே அவசியம் என்பதை நான் ஜெனீவாவில் வலியுறுத்துவேன். குற்றஞ்சாட்டப்பட்டவர்களே விசாரணைகளை நடத்துவதை ஏற்றுக்கொள்ள முடியாது” எனவும் தெரிவித்தார்.
