இதன் காரணமாக, தெல் தெனியா பகுதியில் ஊரடங்கு உத்தரவு அமல்படுத்தப்பட்டது. இருப்பினும், கண்டியைத் தொடர்ந்து, இலங்கையில் உள்ள மற்ற இடங்களிலும் பலர் தாக்குதல் நடத்தி, கலவரத்தில் ஈடுபட்டனர். இதனால், நிலைமையைக் கட்டுக்குள் கொண்டுவர மார்ச் 6-ம் தேதி நாடு முழுவதும் அவசர நிலை பிரகடனத்தை அதிபர் சிறிசேனா அமல்படுத்தி உத்தரவிட்டார்.
இந்நிலையில், கண்டியில் நடந்த மத வன்முறை சம்பவங்களில் தொடர்புடைய 2 தலைவர்கள் உட்பட, 10 பேர் சந்தேகத்தின் பெயரில் கைது செய்யப்பட்டுள்ளனர். தற்போது, இலங்கையில் அமைதி நிலவுவதாலும், பொது மக்களுக்குப் பாதுகாப்பான சூழல் ஏற்பட்டுள்ளதாலும், அவசர நிலை பிரகடனத்தை திருப்பிப் பெறுவதாக அதிபர் சிறிசேனா தெரிவித்துள்ளார். இந்த அறிவிப்பால் இலங்கையில் இயல்பு வாழ்க்கை திரும்பி வருகிறது.
