ஹர்த்தால் காரணமாக வலிகாமம் பிரதேசத்தில் அரச, தனியார் பேருந்துச்சேவைகள் முற்றாக ஸ்தம்பிதமடைந்து காணப்படுகின்றன.
வலிகாமத்தின் முக்கிய சந்தைகளான சுன்னாகம் பொதுச் சந்தை, மருதனார்மடம் பொதுச் சந்தை உள்ளிட்ட சந்தைகள் இயங்கவில்லை.
மாணவர்கள் மற்றும் ஆசிரியர்கள் பாடசாலைகளுக்கு சமூகமளிக்காமையினால் பாடசாலைகளும் இயங்கவில்லை.அரசாங்க-தனியார் வங்கிகள், உப தபாலகங்கள்,எரிபொருள் நிரப்பு நிலையங்கள், உணவகங்கள்,மருந்தகங்கள்,வர்த்தக நிலையங்கள் என அனைத்தும் மூடப்பட்டே காணப்படுகின்றன.
இதேவேளை, அசம்பாவிதங்கள் ஏற்படாதிருக்க வலிகாமத்தில் சுன்னாகம், மல்லாகம் உள்ளிட்ட பல்வேறு பகுதிகளிலும் பொலிஸார் பாதுகாப்புக் கடமையில் ஈடுபடுத்தப்பட்டுள்ளமையும் இங்கு குறிப்பிடத்தக்கது.
